Esmie oye Miss Plus Size

Omainyanyudho
Friday, 09 December 2016 114 Views 0 Comments
Esmie oye Miss Plus Size

Windhoek- Esther Esmie Joshua ngoka a yambukile koGrootfontein oye a sindana okakadhona dhingi Plus Size International.
Ethigathano ndika hali kuthwa ombinga kaakadhona yomalutu ga pama olya li lya ningilwa pongulu yuunkulungu yoFNCC moVenduka Etitano lyaziko.

Rosa Indira Teixeira oye okakadhona keya pehala etiyali, omanga Tuuliki Uugulu eya pehala etitatu.
Aakuthimbinga ayehe omugoyi mboka yali methigathano ndika oyali ya pewa oonzapo omolwa okukutha ombinga kwawo.
Kundana okwa li a kundathana na Esmie ngoka a holola enyanyu lye ta ti okwa nyanyukwa noonkondo onga oye omukalelipo gwo Plus Size International.

Okwa ti ethigathano ndika otali gandja ompito ombwaanawa kehangano lyoku enda moNamibia, oku ulikwa pondje yoshilongo.
“Ethigagthano ndika otali ka kala lya dhenga mbanda omvula tayiya, notandi kumagidha aakadhona ayehe mboka yena omalutu ngoka omanene opo ya kale ya kutha ombinga omvo tu uka,” Esmie a indile.

Esmie ngoka ha longele moshiputudhilo shuungomba shaNamibia okwa tamekele noku enda mo 2011.
Vincent naFamilia Rotina oyo yali taya mwenyeke kombinga yomainyanyudho pethimbo lyoshiithanene shika.

Ethigathano lyotango lyuukadhona mbuka olyali lya ningilwa mo Russia, moka oka kadhona dhingi oka Namibia, Martha Mwatile kali keli sindana po. Ethigathano ndika olya totwa po kokakadhona okaNamibia, Margaret Shivolo, ka tseyika nawa ‘Margo Rusky’ mehangano lyokweenda nuukadhona dhingi.

Margo Rusky ethigathano ndika okwa li eli tseyitha oshikando shotango moRussia, moka omo eli tiilongo.
Okwati elalakano lyoku etapo ethigathano ndika oku wete sha pumbiwa oshoka aakadhona mboka yena omalutu omanene nogopokati oye wete ya patelwa pondje kombinga yethigathano lyomukadhona Kaakunawe.

Leave a Reply

Your email address will not be published. Required fields are marked *