Oshiviha shihapu kashi wa koundjolowele womunhu

Eenguhudana
Friday, 09 December 2016 144 Views 0 Comments
Oshiviha shihapu kashi wa koundjolowele womunhu

Oshinyolwa eshi ohandi shi shange nelininipiko nefimaneko yoo. Elalakano kali shi oku shada ile oku tofa mo vamwe, ashike oku yandja ouyelele oo ta u dulu okutu kwafa.

ETWALEMO
Oshiviha sha pitilila unene (eondo/obesity) osha ninga oupyakadi mounyuni aushe paife. Eepercenta 36 doshiwana shaAmerica odina oshiviha sha pitilila neenghono. Obesity oyo paife ili komesho moinima oyo tai eta efyo tali dulu kukeelelwa moAmerica, konima yo ku nana omakaya. Paunongononi, obesity oya kwatakanifwa neepercenta 14 keekankera odo tadi dipaya ovalumenhu mounyuni. Omanga ya kwatakanifwa neepercenta 20 keekankera odo tadi dipaya ovakainhu mounyuni.
Oshiviha sha pitilila neenghono ohashi eta oupyakadi ngaashi ou tau landula:
Ohonde ya londa
oKankera
Omikifi dokashako konyango (ngaashi oumanya)
Edengo lomutima
oStroke
Enyonauko leefiyo
Omukifi wosuuka
Omaadi mahapu momifipa dohonde (atherosclerosis)

Okudya nale, osha kala shidyuu oku fatulula naanaa kutya oshiviha shihapu ongee shi fike peni! Ashike paife efatululo loshiviha sha pitilila ola yela, nohali di mo ku valula oBody Mass Index (BMI), ngaashi tashi landula:
BMI=Weight (kg)/Height^2

Oshiviha shoye meeKG sha topolwa noule woye meeCM da mbalipalekwa.
Ngeno keshe umwe ta lesha oshinyolwa eshi na valule nee paumwene oBMI yae. Nefatululo nee lenyamukulo eli to mono ongaashi tashi landula:
BMI 20 – 25 = Normal (Oshiviha shili nawa)
BMI 25 -35 = Obesity (Oshiviha sha pitilila kanini)
BMI 35 – 50 = morbidly obesity (Oshiviha sha pitilila unene)
BMI > 50 = Super morbid obesity (Oshiviha sha pitilila nayi nayi)
Hano osho tashi ti, ngee omunhu okwa valula oBody Mass Index yaye ndele oili pombada ya pitilila o25, otashi ti omunhu ou okwa pumbwa oku konga omukalo umwe woku kwafa oku shunifa pedu oshiviha shaye.

OUPYAKADI WOSHIVIHA SHA PITILILA MOLUTU LOMUNHU OU LI PENI?
Obesity ohayi etele olutu omaupyakadi mahapu, mwa kwatelwa:
Oupyakadi woMetabolic system
Osuuka (Diabetes)
Omaadi mahapu (hypercholesterolemia and hypertriglyceridemia)
Ohonde ya londa (hypertension)
Omaadi mahapu kehuli (fatty infiltration of liver)
Degenerative diseases (eengolo nomakipa)
Omukifi weengolo nombuda
Anatomical (omutungilolutu)
Okwona (snoring and sleeping apnoea)
Okusitama inaashi teelelwa (Stress urinary incontinence)
Omutima tau denge noudjuu (congestive heart failure)
Oshingulila (Gastro-Oesophageal Disease)

Oupyakadi womadilaadilo (Psychological diseases)
Outile[Anxiety]
Okululilwa[Depression]
Okulivangeka [Social avoidance]
Okankera
Okankera yevele (breast)
Okankera yoshidalelo (uterus)
Okankera yondabandaba pancrease
Okankera yehuli (liver)
Okankera yomunino woikulya (oesophagus)
Okankera yepunda (stomach)
OMIKALO DILI PI OMUNHU TA DULU OKU KEELELA OSHIVIHA SHIHAPU SHA PITILILA?
Oku lya oikulya ili nawa noya yeleka:
Oto dulu oku mona odietitian[omunawino woikulya] opo eku fatululile nawa kutya oikulya ilipi tai dulu oku eta oshiviha shi ye pombada unene.

Oufenenga (Exercise)
Omadewo omukalo muwa oku kedabala oku shunifa oshiviha pedu, nosho yoo oku kaleka olutu la deuka nawa.
Opena yoo omatando oo haa dulu okuningwa opo omunhu a kale ena oshiviha shili nawa. Omatando aa ohaa ningilwa unene ovanhu ava ve na oshiviha sha pitilila neenghono (super obese > 50 BMI)
Moipangelo ayishe konyala nosho yoo moukilinika omuna oi yelekifo yoshiviha nosho yoo youle womunhu.
Oshiwa yoo ngee hatu kala yoo tu neni oiyelekifo ei momaumbo etweni, opo tu kale hatu dulu oku meta oiviha yetu momaumbo. Eshi otashi tu pe nawa omhito yoku kala tu shii kutya OBody Mass Index oili pungapi.
Ngee owa mono nee wa pumbwa oku fatululilwa nawa, ile wa hala oku kundafana kombinga yoshiviha, fika pu ndokotola woye.
Oshiviha shihapu sha pitilila kashi wa kolutu lomunhu.

Leave a Reply

Your email address will not be published. Required fields are marked *