Uudhano wekopi lyoTafel Lager oko tuu wu li nuumvo?

Omaudhano
Friday, 09 December 2016 111 Views 0 Comments
Uudhano wekopi lyoTafel Lager oko tuu wu li nuumvo?

ONGWEDIVA-Oosipana odhindji odhili moshidhungwe konima sho dha li dhi inekela mekopi lyo Tafel lager ndyoka lya li lya dhanenwa omvula yaziko puDesemba na olya li lya dhanwa koosipana ndhoka dhi li ko First no Second Division, miitopolwa ine yokoNooli.

Sho twa li twa ningi ekwatathano nomukalelipo gwaNFA mOshana Sam Nekwaya okwa li a holola kutya kaya li ya mona omauyelele kombinga yekopi ndika onkene natango oya tegelela oku uva ngele ekopi ndyoka otali ka dhanenwa.

Ekopi ndika olya li lya dhikwa po koNFA mekwatathano nehangano lyokudhunga oombiila moshilongo Namibia Breweries omvula ya zako, na okwa li lya tegelelwa li ka kale ha li dhanenwa andola kehe omumvo.

Oosipana ndhoka dha ningi esiku dha lumbulwa omaudhano omolwa ooliha ndhoka dha tulamo ombiliki odha li dhina etegameno kutya ekopi ndika ota li ke dhipa okatandu komaudhano sho Desemba ta thiki, ashike nani oya fa ya fala omeya hoka itaa ku hangwa.
Oonkambadhala okukwatathana naanambelewa koNamibia Breweries odha li dha huulile muunyengwi.

Shika ota shi ulike kutya okatanga kokoompadhi muNamibia oke li monkugo yina onkambe oshoka kehe esiku kapuna onkundana ombwaanawa kombinga yoshimpungu shetanga lyokoompadhi.

Ekopi ndika olya li lya sindanwa po kosipana yoKK Place omvula ya ziko konima sho yali ya dhengemo osipana yoYoung Stars 2-0.

Leave a Reply

Your email address will not be published. Required fields are marked *