‘Oshike shetweeta’ omo yili mondambo

Omainyanyudho
Friday, 16 December 2016 103 Views 0 Comments
‘Oshike shetweeta’ omo yili mondambo

ONDANGWA – Aamati mboka ya indile oshigwana ekwatho opo ya vule okupititha oalbuma yawo yotango, oya tseyitha kutya ayihe oye enda nawa noalbuma ndjoka yali ya uvaneke tayi piti oyi li mondambo ngaashingeyi.

Ongundu yaahikingalo ndjoka tayi ithanwa The Young Host oya pititha oalbuma yawo, ndjoka kuyele omwedhi nguka. Oalbuma ndjika otayi ithanwa Oshike shetweeta, mono tamu adhika oongalo dhili 13 lwaampoka.

Aahikingalo mbaka yaali oya kala haya imbile pamwe pethimbo yali mosikola. Alfeus Johannes (Voxlam) na Tobias Fillipus (Oezil) oya yambukile momukunda Onalunike mOndonga, nongaashingeyi oyeli aakalimo yomondoolopa yOndangwa moka omo haya hikile noku imba oongalo dhawo.

Nonande ya tameke okwiimba ongaalo dhawo neitulemo petameko lyomumvo nguka, oya kala yena ompumbwe yoshimaliwa ashike oya holola nenyanyu kutya oyeshi pondola sho ya mono omakwatho noya vulu okupititha oalbuma yawo yotango monkalamwenyo yawo.

“Otwali twi imanga kumwe na kuume kandje notwa tokola opo tu pitithe oalbuma yetu ndjoka pehulilo lyomumvo, ihe omolwa ompumbwe yoshimaliwa otatu nana nuudhigu, otatu indile moshigwana ngele omuna omusamalia omunamutimahenda ta vulu okutu yambidhidha tse tuye komeho noshipewa shetu, etu kwathe naashoka enapo opo tu vule tu gandje etumwalaka tali tungu moshigwana,” Voxlam ta tsikileko.

Pokati mpono oyali ya pititha okangalo kawo kamwe, nonande yali ya tsakaneke omashongo ogendji mpaka naampeyaka, ngaka ina ge ya shunitha pevi ashike osheya tsu omukumo sigo ya adha shoka taya lalakanene.

Moalbuma yawo moka otamu adhika uungalo ngaashi Oluvalo, Mwasheka na Takatsu, Let it go, Maria, Ondjila, Jesus oye awike, Otwe mweetela na wulwe owundji. Voxlam ta ti oyena edhiladhilo opo ya longe nuupenda ya pitithe natango oalbuma yawo omumvo twa taalela.

Oya pula aahikingalo aaNamibia ya kale haya longele kumwe, yo ya paathane omayele ya vule okuyambulapo ehangano lyaahikingalo moshilongo, yo ya gandje etumwalaka tali vulu oku pulakenwa komapipi agehe moshigwana. Oya pandula ayehe mboka yeya yambidhidha opo ya vule ya pitithe oalbuma yawo ndjoka ompe.

Leave a Reply

Your email address will not be published. Required fields are marked *