Theo a pititha oalbuma Onyundu

Omainyanyudho
Friday, 16 December 2016 115 Views 0 Comments
Theo a pititha oalbuma Onyundu

Windhoek – Konima ashike sho omuimbi gwoongalo dha yoolokathana, Theophilus Ashimbanga a tseyika nawa moongalo nedhina Theo ali apititha oalubuma ye yotango yedhina Kalanaame oomvula ndatu dha piti, okwa galuka ishewe noalubuma yedhina Onyundu, omwedhi nguka.

Theo, oalubuma ye okwe yi lukile ondhila ndjoka onene yomomeya, molwaashoka naye okwa ninga omunene mehangano lyoongalo.
Onyundu oalubuma ndyoka yina omaimbilo omulongo, ga kwatelwa kostudio yoTurntable King Productions yaK-Boss, nokoTriple Seven Studios yaAraffath Muhuure.

Moalubuma muka Theo ota kwathelwa kaahikingalo oonkulungu ngaashi Samuel  Batola, Priscilla Dessert Queen, Bhukaid, Okocha,Fillemon naAfricaner.

Konyala oongalo moalubuma muka odho ludhi lwoShambo, nota mu adhika ishewe ngaashi ndhoka dho Afro-pop, Gospel noReggae.
Oongalo ngaashi Onyundu, Africa, Mee Helena, ila Kwaame otadhi hokitha noonkondo.

Theo okwa valelwa momukunda Eunda moka omo a kokela pamwe naakuluntu ye, naalanduli ye yeli 9. “Onda tamekele oku imba manga ndali omushona, ashike okukwatitha ondeku tamekele momumvo 2004,” Theo ta ti ngaaka.

Okwa gwedha po ta ti ye omuntu gwaantu, noku hole oku tsakaneka omahewa. Theo okwali amana ondondo ye 12 mo2006 kosekundosikula Okakarara.  Mo 2008 okwali a taambwa moshiputudhilo shuunkulungu shoCollege of the Arts. Ngaashingeyi okuli omulongi guunkulungu kosikola yopaumwene yoVision Private Primary School moOutapi.

Oalubuma ya Theo otayi adhika oshilongo ashihe, nokavidio ke kedhina Kalanaame moka ta kwathelwa ku Ten Ten ota ka adhika ko intaneta.

Leave a Reply

Your email address will not be published. Required fields are marked *